Pienso, siento, soy

jueves, 8 de julio de 2021

domingo, 4 de julio de 2021

BENVIDA AO BACHARELATO NO IES MUGARDOS

Agora que estades en plena matriculación, pode ser bo momento para repasar a vosa nova etapa no IES e no bacharelato. Damos a benvida ao novo alumnado procedente de CPI As Miranda e CPR Loyola que se incorpora ao noso centro o próximo curso!

VOU AO IES!

Para repasar o que vos contamos na xornada de acollida ás familias e alumnado que o próximo curso iniciará a súa andaina na etapa e no IES.

lunes, 7 de junio de 2021

PASIÑO A PASIÑO. 2º BACH. Curso 20-21

Para que repasedes antes da ABAU e da inscrición en FP, Universidade e ensinanzas de réxime especial, déixovos a presentación de 2º Bacharelato tamén pro aquí.

martes, 1 de junio de 2021

UN PASO ADIANTE! 3º ESO (CURSO 20-21)

Estamos dacordo en que no académico sempre hai que dar un paso adiante? Pois para lembrar como dalo, esta presentación!

FINAL OU PRINCIPIO? 4º ESO CURSO 20-21

Para repasar información aquí vos queda a presentación que empregamos para falar de si empezamos ou rematamos.

O PRÓXIMO CURSO, + E MELLOR! 2º ESO, CURSO 20-21

Para que poidades revisar o que vimos na titoría, aquí tendes esta presentación que espero vos axude.

domingo, 9 de mayo de 2021

FOTOGRAFIANDO A CONVIVENCIA (actualización)

Sabemos que vos gustan as fotos, os selfies e as propostas audiovisuais, por iso, imos a darlle unha visión diferente a isto de convivir. Imos a proporvos facer unha expo de fotos que representen a convivencia, que ademáis visualizaremos nos días da Paz e as edicións de Edusolidariedade á mugardesa dos seguintes cursos.

Podedes facer máis dunha foto, de forma individual ou en grupo de dous ou tres (mantendo a distancia). As fotos podedes facelas na aula ou fóra da mesma coa axuda dun profesor/a.

Como o facemos? Como fotografiar un concepto abstracto? Imos a seguir uns PASOS que espero vos poidan axudar:

1. Buscamos no diccionario o significado da palabra convivencia e apuntamos no encerado as palabras clave coas que se asocia.

2. Seguimos buscando palabras que poidamos asociar á convivencia. Esta vez incluímos emocións e sensacións, cores, xestos, e accións que se relacionan con este concepto. Sempre en positivo!.

3. Apoiándonos nas palabras e significados encontrados anteriormente, pensamos en escenas que poidamos representar e fotografiar. Para buscar ideas, podedes por exemplo:

escoller unha canción emblemática sobre a paz e crear unha escena que aa represente.
partir dunha situación vivida e real que fose significativa para vós (p.ex: unha situación que se arranxou dialogando, unha situación na que na que precisáchedes da axuda dos demáis ou a ofrecíchedes, etc).
representar una obra pictórica que fale sobre a convivencia, a paz.
representar unha peli que trate sobre a convivencia e a paz.
representar unha situación relacionada co tema que se inclúa nun conto, unha lenda, un poema
crear unha escena donde se resolve unha situación de acoso con axuda dos demáis.
xestos, accións relacionados coa convivencia.

4. Cando teñades pensada a escena, tendes que fotografiala. Podedes empregar a vosa propia imaxe, sombras, obxectos, xoguetes, o que se vos ocorra.

5. Finalmente escollede un nome e un título da foto e inclúede a autoría. Logo faremos a expo da CONVIVENCIA!

Fotografiando a Convivencia de Piensosiento Soy

jueves, 22 de abril de 2021

PRESENTACIÓN FP BÁSICA 20-21: SEMENTES DE FUTURO

Atención, mañá as nosas sementes irán polo vento buscando novas terras donde crecer e madurar, empeza a FCT pero antes un pouquiño de información e asesoramento, para vós esta presentación que xa vimos na aula e que seguiremos nas sesións quincenais.

SEMANA DAS PROFESIÓNS: CONVERSAS SOBRE O FUTURO

Deixamos tamén por aquí o programa da Semana das Profesións donde puidemos coñecer experiencias moi interesantes, de emprendemento, de mulleres de ciencia e deporte, de alumnado de titulacións novas, de cambios de itinerario, de profesións menos coñecidas. Esta semana permitiunos interesarnos aínda máis polo futuro e ilusionarnos polo novos camiños a descubrir.

Moitísimas grazas a Edda, Mara, Marisa, Pilar, Diego e ás miñas compañeiras de departamento por apoiar e facer posible esta Semana das profesións en tempos tan compricados. E moitas, moitas grazas a todas as persoas do cartel que fixeron posible que os nosos rapaces/zas estean máis ilusionados/as e cunha visión máis alentadora do futuro., grazas de 💓

SEMANA DAS PROFESIÓNS: CONVERSAS SOBRE O FUTURO de Piensosiento Soy

martes, 20 de abril de 2021

A SEMENTE ERES TI! 1º ESO DÁ A BENVIDA A 6º

Este ano escollemos a cor verde, a cor dos nosos montes e da esperanza para simbolizar a transición de etapa. A semente eres ti, polo que o alumnado de 1º ESO xunto co de FPB vai a preparar unha benvida moi especial. Imos aló!