Estamos rematando este verán, dá un pouco de pena, verdade? Ben, vas a alargar esa boa sensación evocando unha imaxe do teu verán. Pecha un momento os teus ollos e visualiza unha imaxe que represente un bo día deste verán, sinte as emocións que asocias a ese momento: relaxación, alegría, diversión.
Imaxinas ter un verán así o próximo ano, libre de preocupacións, de libros, cheo de diversións, de ocio, de emocións positivas. Volve a pechar os ollos, evoca tres imaxes do teu próximo verán ideal: unha de mañá, outra de tarde e outra de noite. Imaxina non ter que madrugar para poñerte diante dos libros, que alivio verdade.
Estas imaxes deberás visualizalas de cando en vez, teñen un gran poder motivacional e van a influír moito no teu comportamento á hora de enfrontar o teu curso.
Mira este vídeo, explícanche de maneira moi fácil a importancia de predispor ao teu cerebro de forma positiva:
(Empezar en minuto 1.42)
Agora que tes a disposición para conseguir a meta de aprobar imos a recordarche os criterios de promoción/titulación.
"Dáme a chapa" foi a actividade deseñada para o alumnado de 2º ESO na que mediante imaxes e logos creamos varios deseños para chapas e imáns coa finalidade de difundir no noso Concello mensaxes de igualdade e de empoderamento da muller.
Despois da fase creativa, o alumnado montou postos no corredor do centro para facer entrega na semana da muller dun imán e dunha chapa a todo o alumnado e profesorado. Ahh, durante o curso tamén agasallamos coas nosas creacións ao persoal do Concello, e ao alumnado de 6º Primaria que o próximo curso será parte do noso centro e, ás persoas integrantes da Mesa de Violencia de xénero do Concello. Agora é fácil ver as nosas chapas nas mochilas, nos maletíns dos profes, nos despachos ou nos xerseis.
Aquí podes ver algunhas imaxes da entrega das chapas e os imáns:
Se ves os nosos deseños por Mugardos ou polo mundo enteiro xa sabes quenes foron os e as responsables ;).
Este curso nas titorías de 3º ESO fixemos un xogo, "Quen é Quen", que tivo como finalidade a visibilización das mulleres.
O obxectivo que nos moveu foi achegar a todo o alumnado do centro e dunha maneira divertida, as aportacións realizadas polas mulleres ao longo da historia ata o momento actual. Para elo, o primeiro que fixemos foi seleccionar 30 mulleres destacadas en diferentes disciplinas. Unha vez seleccionadas, escollimos as súas imaxes e realizamos unhas minibiografías con datos destacados. Coa axuda do alumnado de 1º ESO que realizou os marcos das imaxes na materia de Educación Plástica e Audiovisual, pegamos as imaxes de cada unha das mulleres e as minibiografía no revés do marco, e por fin rematamos o primeiro paso, ter as fichas do xogo.
Tamén fixemos dossieres para repartir nas titorías doutros grupos nos que incluímos as instrucións do xogo e as minibiografías e imaxes das mulleres a visibilizar. Para poder acertar e participar no xogo, era importante que o alumnado coñecese ás mulleres seleccionadas.
Cando tivemos todo preparado, e despois de varios ensaios...
...convocamos ao alumnado do centro nas escaleiras máis concurridas: as da zona da cafetaría. Alí tamén ubicamos un taboleiro móbil coas mulleres seleccionadas para axudar a acertar aos máis despistados/as. Aquí vos deixamos as imaxes de como foi o xogo:
Se queres revisar o presentado hoxe na xornada de información e orientación coas familias ou o que xa fun explicando na aula, aquí está a presentación Operación "Futuro".
Lembra que tes a información máis completiña no Caderniño que podes encontrar no blog no apartado "Presentacións e Caderniños" da columna da dereita. E para todas as dúbidas aquí estou, pásate por el Orichiringuito ;)
Non chega antes quen vai máis rápido, senón quen sabe a donde vai.
Para axudarvos a saber a donde ides e como escoller o mellor itinerario, tendes a vosa disposición este caderniño. Para as dúbidas, as inquedanzas, os apoios na toma de decisión espérovos no sitio de sempre ;)
Aquí tes o caderniño versión dixital que presentarei e entregarei en papel nas aulas. Acércate ao Departamento para resolver as dúbidas que che xurdan ok ;)?
Comparto con vós estes enlaces para resolver as dúbidas do alumnado que está pensando en emprender o vo un pouquichiño máis lonxe. Se queredes coñecer o acceso e procedemento de solicitude de prazas noutras universidades españolas, os enlaces de "Educaweb" e "La web del estudiante" seránvos de utilidade. En este último enlace explican moi ben que é o Distrito único (distrito no que se enmarcan todas as universidades dunha Comunidade Autónoma) e como facer a solicitude por Distritos.
Se queres un campamento en Galicia ou fora de Galicia, de vela, hípica, surf, de comic, de natureza, de laboratorio de ideas, etc apura e solicita praza.
No seguinte enlace tes todo o que precisas saber: oferta, lugares, prezos, tipo de campamento, duración, idade e a sede electrónica para facer a solicitude:
