HISTORIAS DE MEDO (NIVEL CHAT GPT E NIVEL TOP CREATIVIDADE). ESO E FPB

Chega Samaín. E a vida nos lembra que sempre hai medos. Vemos algunha cousiña sobre os medos e logo creamos historias?

Para axudarte terás algunhas condicións intrigantes, un esqueleto (de historia), uns dados, un temporizador, e unha votación. Non tes todo o tempo do mundo, lembra activar o temporizador. 

Déixovos por aquí un pequeno video coa proposta, pero para activar as ligazóns de axuda teredes que ir á versión PDF que atoparedes logo de cada vídeo.

Historias de medo. Nivel TOP Creatividade de Piensosiento Soy

Historias de medo con chat gpt de Piensosiento Soy 

ENLACES DE AXUDA:

• PDF Nivel Top Creatividade para activar enlaces 
• PDF para activar enlaces Nivel Chat GPT
• Esqueleto 
• Carteis

ESTRELAS NO FIRMAMENTO

 

Esta dinámica pode ser unha boa opción para que o novo profesorado vos coñeza e tamén para que vós poidades coñecer aos/ás profes novos. 

Imos pensar que a a nosa aula é unha constelación chea de estreliñas. E cada unha brilla dunha maneira especial. A persoa a coñecer debe saír ao encerado e debuxar unha estreliña no encerado. En cada punta debe escribir unha palabra que teña que ver con el/ela. P.ex se o/a  profe é quen se presenta e pon: 40, hip hop, cómic, Ferrol e vainilla, temos que adiviñar que  ten que ver esas palabra con ela ou con el. E logo de botar unhas risas o profe pode contarnos que quizáis teña 40 anos ou percorridos 40 centros, que é de Ferrol ou que lle gusta a ría de Ferrol, que odia ou lle encanta a vainilla, que tivo un premio de hip hop ou que é o único que non escoita, e que debuxa ou le cómis de Esther e as súas amigas. 

A continuación, vos toca a vós, ide preparando as palabras da vosa estreliña. 

Se preferides, podedes facer as estrelas en papel, e logo de facer a actividade, podedes colocar a vosa constelación nunha parede da aula.

PILAS DE COÑECEMENTO

Na vida sempre hai un lado positivo e un lado negativo, igual ca nas pilas.

Esta actividade propoñémosvola aos grupos que xa vos coñecedes. 

Imos pedirvos que peguedes un folio nas costas dun compañeiro ou compañeira. Todo o alumnado terá un folio e todo o alumnado deberá escribir nos folios dos demáis compañeiros. 

No folio faremos dúas columnas: unha co polo positivo no que incluiremos cualidades positivas, e outra cun polo negativo con cualidades a mellorar. Lembrade que nesta segunda columna son cualidades a mellorar, non cualidades a xulgar.

SEMANA DAS PROFESIÓNS 2025

Semana das Profesións 2025 de Piensosiento Soy

BREAKOUT: SUPERVIVINTES NA ILLA "DESIGUALDADE"

Este 8M, día da muller, propoñémosvos un gran reto: saír da illa da desigualdade.

NUBE DAS BOAS PALABRAS OU MURAL DO BOLI VERDE

Esta é unha proposta para ganar a batalla ao famoso e temido boli vermello da corrección. O mural do boli verde, da nube das boas palabras, é o antídoto contra o mural das lamentacións e o vermello desmotivador.

Non sería unha mágoa perder todas as palabras bonitiñas que vos din na aula, e que ás veces escapan ben tristes entre os pupitres porque non se lles presta a atención necesaria?  Habelas hainas, pero son as palabras de corrección as que adoitan estar máis presentes. Estas palabras e frases están pedindo a berros que se lles considere, que teñan presenza na aula. Pero precísanvos, precisan dos vosos bolis verdes e doutras cores amables para poder existir.

Dálle vida ás frases que din as cousas que fas ben. Cada vez que unha profe ou un profe che diga algo positivo e que che alegre o día, escribe a frase no mural. Longa vida ao boli verde esperanza que debuxa a vosa autoestima!