TODO O MUNDO PRECISA INCLUSIÓN, RESPECTO E COMPRENSIÓN

Neste mes en que celebramos a Paz, imos a falar de empatía,accións de convivencia, acoso escolar, protocolos, persoas que che poden axudar e sobre todo do importante que eres para que todo o mundo se sinta ben.

TODO O MUNDO PRECISA INCLUSIÓN E RESPECTO de Piensosiento Soy

QUERÉMONOS BEN!

 Chega o 25 N, ogallá non fose necesario... pero toca seguir lembrando que debemos querernos ben, e que rapazas e rapaces tendes os mesmos dereitos. 

Construír un mundo máis xusto e igualitario é unha razón poderosa para adicar algunha sesión a este obxectivo.  

Este ano terás a posibilidade de escoller probas de amor para querernos ben, para respectarnos, para ternos en conta. Tres probas superadas, tres insignias abrirán a porta dun xogo mixto na seguinte titoría.  Imos aló, imos a querernos ben!

Querémonos ben de Piensosiento Soy Insignias: https://www.canva.com/design/DAG5-2sSA3g/apnNGUg6nFyB5MBZjJujzQ/view

HISTORIAS DE MEDO (NIVEL CHAT GPT E NIVEL TOP CREATIVIDADE). ESO E FPB

Chega Samaín. E a vida nos lembra que sempre hai medos. Vemos algunha cousiña sobre os medos e logo creamos historias?

Para axudarte terás algunhas condicións intrigantes, un esqueleto (de historia), uns dados, un temporizador, e unha votación. Non tes todo o tempo do mundo, lembra activar o temporizador. 

Déixovos por aquí un pequeno video coa proposta, pero para activar as ligazóns de axuda teredes que ir á versión PDF que atoparedes logo de cada vídeo.

Historias de medo. Nivel TOP Creatividade de Piensosiento Soy

Historias de medo con chat gpt de Piensosiento Soy 

ENLACES DE AXUDA:

• PDF Nivel Top Creatividade para activar enlaces 
• PDF para activar enlaces Nivel Chat GPT
• Esqueleto 
• Carteis

NUBE DAS BOAS PALABRAS OU MURAL DO BOLI VERDE

Esta é unha proposta para ganar a batalla ao famoso e temido boli vermello da corrección. O mural do boli verde, da nube das boas palabras, é o antídoto contra o mural das lamentacións e o vermello desmotivador.

Non sería unha mágoa perder todas as palabras bonitiñas que vos din na aula, e que ás veces escapan ben tristes entre os pupitres porque non se lles presta a atención necesaria?  Habelas hainas, pero son as palabras de corrección as que adoitan estar máis presentes. Estas palabras e frases están pedindo a berros que se lles considere, que teñan presenza na aula. Pero precísanvos, precisan dos vosos bolis verdes e doutras cores amables para poder existir.

Dálle vida ás frases que din as cousas que fas ben. Cada vez que unha profe ou un profe che diga algo positivo e que che alegre o día, escribe a frase no mural. Longa vida ao boli verde esperanza que debuxa a vosa autoestima!

    

 

COMPRENDÉMONOS + E MELLOR: TDAH e S. TOURETTE

Facer un mundo mellor é tamén coñecer máis e mellor ás persoas. Queremos que coñezades o por que dalgunhas condutas, pero sobre todo, queremos que sexades todo o empáticos/as que o mundo precisa e, por iso, hoxe imos a coñecer o TDAH e o S.Tourette. Preme nos seguintes enlaces: 

• S. Tourette
• TDAH 

RAPAZADA QUE CAMBIA O MUNDO!

 

Como que a rapazada non é activa, non ten inquedanzas e non loita por un mundo mellor? Quen di iso, non coñece a Comando Igualdade.

 Queres coñecer a este Comando? Gustaríache telo no noso centro? Pois vamos á acción. Preme no enlace, temos unha proposta para vós. 

DEBUXANDO A CINCO MANS

É tan importante ter metas? As metas, mellor individuais ou compartidas? Dirixe mellor o que máis manda? Que diferenza hai entre traballo grupal e traballo en equipo? Resolve estas preguntas mentras te divirtes con esta dinámica. Imos aló!

DEBUXOS A 5 MANS de Piensosiento Soy